İlon Mask adını dəyişdi

Amerikalı iş adamı, Twitter (X) şirkətinin sahibi, həmçinin SpaceX, Tesla və Neuralink şirkətlərinin rəhbəri İlon Mask sözügedən sosial şəbəkədəki profilinin adını dəyişib. Milyarderin yeni adı Kekius Maksimus olub.

Lent.az-ın xarici mediaya istinadən xəbərinə görə, bundan əlavə, Mask öz profil avatarını dəyişib: indi orada qədim Roma legionerinin hərbi geyimində qurbağa Pepe təsvir olunub. Xarakterin əlində PlayStation 4-dən DualShock 4-ə bənzər bir nəzarətçi var.

Milyarder profilindəki dəyişiklikləri şərh etməyib.

Qeyd edilir ki, Pepe the Frog ilə əlaqəli kriptovalyuta memkoinləri Maskın hesabının yenilənməsinə müsbət cavab verib. Məsələn, ByBit kriptovalyuta birjasında 1000PEPE tokeninin məzənnəsi gündə 8 faizdən çox artaraq xəbərin yazıldığı anda bir sikkə üçün 0,0184480 dollardan 0,0199310 dollara yüksəlib.

İlon Riv Mask amerikalı sahibkar, mühəndis və milyarderdir. "SpaceX"in təsisçisi, baş direktoru və baş mühəndisi, ivestor, "Tesla"nın baş direktoru və məhsul memarı, "The Boring Company"nin təsisçisi, "Neuralink" və "OpenAI2nin həmtəsisçisi və Twitter (X) sahibidir.

Telegramda izləyin