56 yaşlı kişi bankomatın önündə güllələndi

Kocaelinin Karamürsel rayonunda bankomatdan pul çıxararkən hücuma məruz qalan 56 yaşlı Maksut Beytaş hadisə yerində dünyasını dəyişib.

Sonxeber.az türk mediasına istinadən xəbər verir ki, hadisə saat 12.30 radələrində Karamürsel rayonu, 4 İyul Məhəlləsi, Fatih Sultan Mehmet Bulvarında baş verib. Maqsut Beytaşa bankomatın qarşısında növbə gözləyərkən şübhəli şəxs ona silahla hücum edib. Güllə yarası alan Beytaş yerə yıxılıb. Şübhəli hadisə yerindən qaçıb.

Ətrafdakıların məlumatı ilə hadisə yerinə təcili tibbi yardım və polis qrupları sövq edilib.

Əraziyə gələn həkimlərin tilk müayinəsi zamanı Maksut Beytaşın həyatını itirdiyi müəyyən edilib. Müayinədən sonra onun meyiti araşdırılma üçün tibbi ekspertizaya aparılıb.

Polisin araşdırması zamanı güllələrdən birinin bankomatın yanındakı ticarət mərkəzinin pəncərəsinə dəydiyi müəyyən edilib. Şübhəlinin tutulması üçün başladılan istintaq davam edir.

Telegramda izləyin