Məşhur aparıcı Messi ilə bağlı açıqlama verdi

Argentinalı idman aparıcısı Sofi Martinez Lionel Messi ilə münasibətdə olması ilə bağlı yayılan xəbərləri təkzib edib.

Sonxeber.az xarici mediaya istinadən xəbər verir ki, 2022-ci il dünya çempionatı zamanı Messi ilə müsahibəsindən sonra ortaya çıxan söz-söhbətlər aparıcının həm şəxsi həyatına, həm də karyerasına mənfi təsir göstərib.

Martinez Argentinanın Telefe kanalında iştirak etdiyi proqramda bu açıqlamaları verib:

"Mən populyarlaşdıqca həyatımda arzuolunmaz hallar baş verməyə başladı. İnsanlar "Messiyə başqa cür baxırsan" kimi şeylər danışmağa başladılar. Hətta bu şayiələri təkzib etmək mənə gülünc görünür. Üstəlik, bu söz-söhbətlər yalnız ona görə başlayır. Mən qadınam, kişi aparıcı olsaydı, belə bir vəziyyət olmazdı".

Martinez jurnalist sevgilisindən 2023-cü ilin sonunda ayrıldığını və hazırda subay olduğunu da bildirib. Gənc aparıcı Messinin həyat yoldaşı Antonelanı "futbol dünyasının əfsanəsini böyük yetkinliklə idarə edən biri" adlandırıb.

Telegramda izləyin