Kar və lal uşağa işgəncə: Əvvəlcə onu döyüblər, sonra qulağını kəsməyə cəhd ediblər - VİDEO

Ötən həftə Esenyurt Səlahəddin Əyyubi məhəlləsində baş verən hadisədə iki nəfər suriyalı kar və lal uşağı internet kafedə görərək boş otağa aparıblar.

Sonxeber.az xarici mediaya istinadən xəbər verir ki, həmyaşıdları uşağı əvvəlcə kabellə döyüb, sonra onun qulağını kəlbətinlə kəsməyə çalışıb. Həmin şəxslər bir neçə dəqiqə davam edən işgəncəni mobil telefonlarına çəkib və videonu uşağın qardaşına göndəriblər.

Onlar uşağın qardaşını da hədələyərək "şikayət etsən sənə də bunu yaşadarıq" mesajı göndəriblər. Qardaş əsəbiləşərək vəziyyəti sosial şəbəkədə paylaşıb.

Yayımlanan görüntülər etirazlara səbəb olub. Kadrların sonunda ağır zərbələrə məruz qalan uşağın ağzından və burnundan qan axdığı görünüb.

Videonu gördükdən sonra Esenyurt Asayiş Qrupları hadisəni törədən şəxsləri qısa müddətdə saxlayıb. İfadələri alınan şəxslər ədliyyəyə göndərilib.

Vüsalə İbrahimli

Telegramda izləyin