Təcrübəsiz sürücü dəhşət yaratdı: Yol kənarında oturan 5 nəfəri vurdu

Hindistanın Haryana əyalətində sürücülük təhsili alan bir şəxs idarədən çıxan avtomobili ilə yol kənarında oturan 5 nəfəri vurub.

Sonxeber.az xarici mediaya istinadən xəbər verir ki, iki nəfərin ağır yaralandığı qəza anbaan təhlükəsizlik kameralarına düşüb.

Kaithal şəhərində baş verən hadisədə taxıl bazarının yaxınlığında avtomobil idarə etməyi öyrənməyə çalışan sürücü əyləci basmaq əvəzinə səhvən qaza basıb. Avtomobil idarəetmədən çıxaraq yol kənarında oturan 5 ticarətçiyə doğru irəliləyib.

Təhlükəsizlik kamerası görüntülərində 3 nəfərin zərbədən dərhal ayağa qalxdığı, digər iki nəfərin isə bir müddət avtomobilin altında sürükləndiyi görünür. Ağır yaralanan iki nəfər dərhal xəstəxanaya çatdırılıb.

Hadisə şahidləri qəzanın baş verdiyi ərazinin sürücü hazırlığı üçün uyğun olmadığını bildirərək, səlahiyyətlilərin lazımi tədbir görməli olduğunu vurğulayıblar.

Vüsalə İbrahimli

Telegramda izləyin