Polisin küçədə yatan vətəndaşı təpikləyərək oyatması müzakirələrə səbəb oldu - VİDEO

Nyu-Yorkda polis soyuq havada küçədə yatan evsiz vətəndaşı təpikləyərək oyandırıb.

Sonxeber.az xarici mediaya istinadən xəbər verir ki, hadisə ətrafdakı vətəndaşlar tərəfindən mobil telefonla lentə alınaraq sosial mediada paylaşılıb.

Bu məsələ qısa zamanda sosialşəbəkədə ən çox müzakirə olunanlardan birinə çevrilib.

Şikayətlər əsasında Nyu York Polis İdarəsi tərəfindən araşdırma başladılıb. Evsizlərə yardım təşkilatları qış aylarında küçələrdə yaşayan insanlara qarşı daha həssas olmaq lazım olduğunu bildirib.

Hadisəni mobil telefonuna lentə alan vətəndaş "Bu, qeyri-insani bir davranış idi. Polis məmuru, deyəsən, qarşısındakı adamın insan olduğunu unudub. Onunla daha mədəni rəftar edə bilərdi", - deyə bildirib.

New York Polis Departamenti (NYPD) hadisə ilə bağlı istintaq başladıldığını və görüntülərin araşdırıldığını açıqlayıb.

"Biz hər zaman məmurlarımızdan peşəkar və hörmətli davranmalarını gözləyirik. Bu hadisəni ciddi şəkildə araşdırırıq" , - deyə polis idarəsindən açıqlama verilib.

Qeyd edək ki, Nyu Yorkda təxminən 70 min evsiz insan var və bu insanların əksəriyyəti sığınacaqlarda yer tapa bilmədiklərinə görə küçələrdə yaşamaq məcburiyyətində qalırlar.

Telegramda izləyin