"Harry Potter"in ulduzunun sərvəti dodaq uçuqlatdı - FOTO

"Harri Potter" silsilə filmlərində baş qəhrəmanı canlandıran məşhu aktyor Deniel Redkliff var-dövləti ilə yenidən gündəmdədir.

Ölkə.Az xarici KİV-ə istinadla xəbər verir ki, 11 yaşında uşaq aktyor kimi karyerasına başlayan britaniyalı aktyorun nə qədər qazandığı maraq doğururdu.

"Daily Mail" yazır ki, 35 yaşlı aktyor son "Harri Potter" filmindən 14 il keçməsinə baxmayaraq, böyük uğur qazanmağa davam edib.

Hazırda aktyorun sərvətinin 100 milyon funt sterlinqə (təx.213 milyon manat) çatdığı iddia edilib.

Redkliffin sərvəti hələ də valideynləri tərəfindən idarə olunan şirkətinə qoyulan investisiyalar sayəsində artıb.

Mənbə "The Sun"a bildirib: "Hətta Denielin pərəstişkarları aktyorun topladığı sərvətdən təəccüblənəcəklər. Lakin görünür, onun pulu təkcə aktyorluq işi üçün aldığı qonorarlara deyil, həm də ağıllı investisiyalara əsaslanır."

İddiaya görə, Redklif ayda orta hesabla yarım milyon funt sterlinq qazanır. Aktyorun həm Londonda, həm də Nyu Yorkda evləri var.

O, "Harri Potter" filmlərindən sonra "The Woman in Black", "Kill Your Darlings" və "Victor Frankenstein" kimi filmlərdə rol alıb.

Aktyor bu yaxınlarda Sandra Bullok və Çenninq Tatumla birlikdə "İtirilmiş şəhər" (2022) filmində rol almışd. Bu il isə "Now You See Me 2" filmindəki rolunu yenidən canlandıracaq.

Telegramda izləyin