Meyitin yanında dəfələrlə zəng çalan telefona heç kim cavab vermədi

Antalyanın Muratpaşa səmtindəki 100 Yıl Bulvarında Güllük yeraltı keçidində səhər saat 10:00 radələrində qəza baş verib.

Sonxeber.az xarici mediaya istinadən xəbər verir ki, 07 BHF 302 dövlət nömrə nişanlı motosikletin sürücüsü Mert Tiryakioğlu Yener Ulusoy bulvarından 100. Yıl Bulvarı istiqamətində hərəkətdə olarkən sükan idarəetməsini itirib.

Motosikletçi maneələrə çırpılaraq başı səkiyə dəyib. Ətrafdakıların xəbəri üzərinə hadisə yerinə sağlamlıq və polis qrupları sövq edildi. Sağlamlıq qrupları ilkin müayinələri zamanı Tiryakioğlunun həyatını itirdiyini müəyyən ediblər.

Bu vaxt gəncin cansız bədəninin düz yanında olan telefona dəfələrlə zəng gəldi. Onlarla zəng və mesaj gələn telefona polis də daxil olmaqla heç kim cavab verə bilməyib.

Hadisə yerinə gələn Tiryakioğlunun yaxınları göz yaşlarına boğuldu. Gəncin qohumu polisə "Onun dəbilqəsi yox idi?" - deyə soruşub. Onun verdiyi sual diqqət çəkib.

Hadisə yeri araşdırma qrupları işlərini tamamladıqdan sonra gəncin cansız bədəni cənazə arabasına mindirilərək götürülüb.

Telegramda izləyin