Yolda yeriyən qadını qaçırıb zorladılar

Ankarada 24 yaşlı gənc qadın tanımadığı şəxslər tərəfindən zorlanıb.

Sonxeber.az türk mediasına istinadən xəbər verir ki, hadisə səhər saatlarında Ankara Yenimahallesində baş verib. M.T. (24) adlı qadın yolda tanımadığı M.A. və H.G. adlı iki şəxs tərəfindən zorla maşına mindirilib.

Onlar qadını kimsəsiz bir yerə aparıb əvvəlcə döyüb sonra isə zorlayıblar. Şübhəlilər daha sonra qadını orda qoyaraq hadisə yerindən qaçıblar.

Hadisədən sonra qadın polis bölməsinə gedərək şikayətçi olub. Məlumat üzərinə araşdırma başladan polis şübhəliləri saxlayıb.

Polis bölməsindəki ifadələrinin ardından ədliyyəyə sövq edilən şübhəlilərdən M.A. tutularaq həbsxanaya göndərilib, şübhəli H.G. isə məhkəmə nəzarəti şərti ilə azadlığa buraxılıb.

Faktla bağlı istintaq davam edir.

Telegramda izləyin