Yeni il gecəsi verdiyi salama görə cərimələndi

Rusiyanın Moskva şəhər məhkəməsi yeni il gecəsi metroda nasist salamı verən bir şəxsi cərimələyib.

Lent.az yerli mediaya istinadla bildirir ki, məhkəmə sənədlərinə görə, yanvarın 1-də Moskva vaxtı ilə saat 1:40-da Andrey Molev metronun "Kitay-Qorod" stansiyasında nasist simvollarını açıq nümayiş etdirib. Bundan əlavə, o, nasist salamını qışqırıb.

O, günahını etiraf edib. Molevin üzərinə qoyulan cərimənin məbləği açıqlanmır.

Rusiya Federasiyasının İnzibati Xətalar Məcəlləsinin 20.3-cü maddəsinin 1-ci hissəsinə əsasən cəza (nasist simvollarının təbliği və ya açıq nümayişi) iki min rubla qədər cərimə və ya 15 günə qədər inzibati həbs nəzərdə tutur.

Telegramda izləyin