İqlim dəyişikliyi, yoxsa terror - Hollivudu məhv edən yanğına nə səbəb oldu?

"Bu Amerikanın tarixində ən böyük meşə yanğınıdır".

Bunu Qaynarinfo-ya açıqlamasında ekoloq Xosrov Musayev deyib.

Onun sözlərinə görə, baş verən faciə iqlim dəyişikliyinin nəticəsidir:

"Yanğınlarda insan təlafatı var. Nə qədər də insan təxliyyə olunub. Xüsusi ilə də küləyin əsməsi yanğını daha da sürətləndirir. Kaliforniyada meşə yanğınlarının əsas səbəbi isti-quru və anomal hava şəraitinin olması göstərilir. Anomal, yəni illik normadan çox yüksək olan bir istilik nəticəsində meşə yanğınları başlayıb".

Xosrov Musayev bildirib ki, yanğın ABŞ-ın Kaliforniyaya ştatına 50 milyard dollardan çox zərər vurub:

"Rəqəmləri görəndə dəhşətə gəldim. Bu rəqəm 150 milyard dollar da ola bilər".

Xatırladaq ki, yanvarın 7-də Los-Ancelesin şimalında, Santa Monika dağlarına bitişik ərazidə yanğın başlayıb. Yanvarın 8-dən 9-na keçən gecə alov artıq 1000-dən çox binanı məhv edib.

Telegramda izləyin