Hitlerin gizli ailəsi İngiltərədə yaşayır? – Yeni gündəliklər AÇILDI

Adolf Hitlerə bağlılığı ilə tanınan və nasist lideri ilə şəxsi əlaqə quran antisemitik bir ingilis cəmiyyət üzvü olan Yunit Mitfordun yeni aşkar edilən gündəliklərinin yaxın zamanda nəşr olunması, gənc ingilis aristokratının nasist lideri ilə münasibətinin mahiyyəti haqqında spekulyasiyaları yenidən alovlandırıb.

Lent.az xarici mediaya istinadən xəbər verir ki, qeydlər 1935-1939-cu illəri əhatə edir. Bu qeydlərdə Mitfordun İkinci Dünya Müharibəsi zamanı Hitlerə olan heyranlığı açıq şəkildə ifadə olunur.

Mitford, Hitlerlə keçirdiyi 139 görüşdən birinin təfərrüatlarını böyük hərflərlə və qırmızı mürəkkəblə yazdığı gündəliyində təsvir edərkən oxuculara narahatedici bir təcrübə təqdim edir.

Bu tarixi sənədlər, o zaman 20 yaşında olan Mitfordun özündən 25 yaş böyük olan "Fürer"ə necə heyran olduğunu göstərir. O, özünü "Mən bir yəhudi düşməniyəm" və "Yəhudiləri öldürmə təcrübəsi edirəm" kimi ifadələrlə təsvir edərək, antisemitik mövqeyini açıq şəkildə ortaya qoyur.

Mitford, Hitlerlə tanışdığı günü həyatının ən möhtəşəm dövrü kimi təsvir edir və "Fürer cənnət kimi idi... o, bir mələkdir" sözlərini ifadə edir. Gündəliyində yer alanlar, Hitlerlə olan münasibətini, 1940-cı ildə İngiltərəyə dönərkən niyə sorğulanmadığını və hamilə olaraq qayıdıb oğlan uşağı dünyaya gətirdiyinə dair şayiələrin nə dərəcədə həqiqət olduğunu kimi vacib sualları gündəmə gətirir.

1936-cı ildə Hitlerlə birlikdə çəkilmiş fotosu olan Mitford onun ən sevdiyi "Münhen" restoranında saatlarla vaxt keçirdiyini də etiraf edir. Mitfordun Hitlerə olan heyranlığını nəyin təhrik etdiyi tam olaraq bilinmir, lakin onunla tanış olmaq arzusu o qədər güclü idi ki, 20 yaşında Münhenə köçün, burada alman dilini öyrənməyə və nasist liderini izləməyə başlayıb.

"Coffee with Hitler" kitabının müəllifi, tarixçi Çarles Spiser, "Bu, çox əyləncə dolu bir münasibət idi," deyərək əlavə edib: "Hitler çoxlu narkotik istifadə edirdi, buna görə qadınlarla çox yaxın deyildi. Ancaq gənc qızlara qarşı bir obsesiyası yaranmışdı və intihar edən qardaşı qızı ilə şübhəli bir münasibət yaşamışdı".
Mitfordun son gündəlik qeydi Almaniyanın Polşanı işğal etdiyi gün, 1939-cu il sentyabrın 1-də yazılıb. İki gün sonra, 25 yaşında ikən, İngiltərə ilə Almaniya arasında müharibə ehtimalına o qədər kədərlənib ki, Münhendəki İngilis Bağı Parkında intihara cəhd edib. Lakin intihar cəhdi uğursuz olub, güllə kəllə sümüyündə qalıb və bu, onu beyin zədəsi ilə Böyük Britaniyaya geri dönməyə məcbur edib.

"Mitford hamilə ola bilər"

Spiserin fikrinə görə, Hitler onun düşmən İngiltərəsinə İsveçrə üzərindən tibbi müalicə üçün xüsusi qatarla göndərilməsini təşkil edib.

Mitford İngiltərəyə qayıtdıqda sorğulanmayıb. Brayt, Hitlerin "İngilis qızı" adlı sənədli filmində araşdırdığı başqa bir məsələdə Mitfordun hamilə ola biləcəyini irəli sürür. Bu vəziyyət, onun sorğulanmaqdan qaçmasının səbəbi ola bilərmi?

Brayt deyir: "Onun hamilə olub-olmadığı barədə dəqiq bir nəticəyə gəlmək olduqca çətindir. Amma doğum evini idarə edən qadının qardaşı qızının yalan danışdığına inanmaq üçün heç bir səbəbim yoxdur. O dövrdə Londonda Yunitinin hamilə olduğuna dair şayiələr ən çox müzakirə edilən mövzular arasında idi. Bir çox fərqli mənbədən gələn dedi-qodular mövcud idi. Hitlerin uşağına sahib olmaq ehtimalı da bu şayiələrlə birlikdə gündəmə gəlmişdi."

Hitlerin gizli ailəsi İngiltərədə yaşayırmı?

Mitford 1948-ci ildə, 33 yaşında olarkən başında qalan güllənin səbəb olduğu infeksiyadan həyatını itirib.

Mitfordun gündəliklərinin, bəlkə də ən narahatedici tərəfi, hələ də kritik suallara cavab verməməsidir.

Brayt deyir: "Yunitinin Hitlerlə münasibətinin nə olduğunu başa düşmək hələ də çox çətindir və bu, əsəbləri tarıma çəkir".

Mitfordun Fürer haqqında qırmızı mürəkkəblə yazdığı bütün şok edici qeydlərə baxmayaraq, onunla bir münasibətinin olub-olmadığına dair dəqiq məlumat yoxdur. Əgər olubsa, Hitlerin gizli ailəsinin Britaniyada yaşamaq ehtimalı mövcuddur.

Telegramda izləyin