Məşhur aşpazın 14 yaşlı oğlu görün hansı səbəbdən bıçaqlandı

Məşhur italyan aşpazı Andrea Minguzzi və violonçel ifaçısı Yasemin Akıncının 14 yaşlı oğlu Mattia Ahmet Kadıköydəki bit bazarında iki uşaq tərəfindən bıçaqlanıb.

Sonxeber.az türk mediasına istinadən xəbər verir ki, ailəsi ilə birlikdə Beyoğluda yaşayan 8-ci sinif şagirdi olan Mattia skeytbord ləvazimatları almaq üçün dostları ilə birlikdə Kadıköydəki bit bazarına gedib.

"Sabah" qəzetində yer alan xəbərə görə, bazarda bir nəfər çiynini Mattiaya qoyaraq "Çox yaraşıqlısan" deyib. O da "Bağışlayın, qardaş" deyə cavab verib. Bu zaman şübhəli bir neçə metr uzaqlaşıb və sonra əlində bıçaqla geri qayıdıb. "Mən sənin qardaşın deyiləm" deyərək Mattianı bıçaqlamağa başlayıb.

Sinəsindən 5 bıçaq zərbəsi alan 14 yaşlı oğlan ətrafdakıların köməyi ilə xəstəxanaya çatdırılıb.

Hadisənin ardından İstanbul Asayiş Şöbə Müdirliyi şübhəlini qısa müddətdə saxlayıb. O ifadəsi alındıqdan sonra ədliyyəyə sövq edilib və məhkəmə tərəfindən həbs olunub.

Xəstəxanada yatan Mattianın vəziyyəti isə ağır olaraq qalmaqda davam edir.

Faktla bağlı istintaq davam edir.

Telegramda izləyin