Qadın qısqanclıq səbəbindən ərini ödürdü

Kocaelidə 43 yaşlı Aysel Duran qısqanclıq mübahisəsi zamanı 42 yaşlı əri Emrah Duranı silahla vuraraq öldürüb.

Sonxeber.az türk mediasına istinadən xəbər verir ki, hadisə saat 02:00-də Yəhya Kaptan Mahallesində yerləşən 8 mərtəbəli yaşayış binasının 7-ci mərtəbəsindəki mənzildə baş verib. Belə ki, ər və arvad arasında qısqanclıq səbəbindən mübahisə yaranıb. Mübahisə getdikcə davaya çevrilib. Dava əsnasında Aysel Duran evdəki silahla Emrah Durana atəş açıb. Sinəsindən xəsarət alan kişi qan içində yerə yıxılıb.

Silah səsini eşidən qonşular vəziyyəti polis və təcili tibbi yardıma bildiriblər. Evə gələn həkimlər ilk müayinə zamanı Emrah Duranın öldüyünü müəyyən ediblər.

Emrah Duranın meyiti incələnmə üçün tibbi ekspertiza aparılıb. Polis qrupları tərəfindən saxlanılan Aysel Duran bölmədəki əməliyyatlardan sonra sövq edildiyi ədliyyədə məhkəmə tərəfindən tutularaq həbsxanaya göndərilib.

Faktla bağlı istintaq davam edir.

Telegramda izləyin