Xəstəxanada iynə vurulduqdan sonra halı pisləşən 7 yaşlı uşaq dünyasını dəyişib

Mersindəki xəstəxanada iynə vurulduqdan sonra vəziyyəti pisləşən 7 yaşlı Rüzgar Altuğ dünyasını dəyişib.

Sonxeber.az türk mediasına istinadən xəbər verir ki, hadisə saat 11.30 radələrində Mersinin Tarsus rayonunda baş verib. Soyuqdəymə şübhəsi ilə ailəsi tərəfindən xəstəxanaya aparılan Rüzgar Altuğa vurulan iynədən sonra onun halı pisləşib. Uşağın vəziyyəti pisləşdiyi üçün onu Tarsus Dövlət Xəstəxanasına göndəriblər. Burada edilən bütün müdaxilələrə baxmayaraq Altuğun həyatını xilas etmək mümkün olmayıb.

Uşağın meyiti ölüm səbəbinin müəyyənləşməsi üçün tibbi ekspertizaya aparılıb.

Hadisə ilə bağlı prokurorluq tərəfindən genişmiqyaslı araşdırma başladılıb.

Telegramda izləyin