Əyləci sıradan çıxan yük maşını idarəetməni itirərək qarşısındakı 7 avtomobilə çırpılıb - VİDEO

Şanlıurfanın Birecik rayonunda Qaziantep istiqamətində hərəkət edən və əyləci sıradan çıxan yük maşını idarəetməni itirərək qarşısındakı 7 avtomobilə çırpılıb.

Sonxeber.az xarici mediaya istinadən xəbər verir ki, daha sonra yük maşını körpünün üzərində sürüklədiyi minik avtomobili ilə birlikdə baryerləri aşaraq təxminən 10 metr hündürlükdən aşağı yola düşüb.

Baş verən zəncirvari qəzadan sonra ərazidə olan vətəndaşlar hadisə yerinə gələrək yaralılara kömək etmək üçün səfərbər olublar. Qəza barədə məlumat alan polis və tibb qrupları hadisə yerinə sövq edilib.

Avtomobillərdən çıxarılan 15 yaralıya ilkin tibbi yardım göstərildikdən sonra Nizip və Birecik dövlət xəstəxanalarına aparılıb.

Adları öyrənilə bilməyən və təcili yardımda müalicə altına alınan yaralılardan 3-ü həkimlərin müdaxiləsinə baxmayaraq xilas etmək mümkün olmadığı halda, 26 yaralının müalicəsinin davam etdiyi öyrənilib.

Qəza səbəbindən yol bir tərəfdən nəqliyyatın hərəkətinə bağlanıb, polis hadisə ilə bağlı araşdırmalara başlayıb.

Telegramda izləyin