Əlini yandıran şəxsin ayaqları kəsildi - FOTO

ABŞ-də barmağını yandıran kişinin hər 2 ayağı kəsilib.

Ölkə.Az "gloob"a istinadla xəbər verir ki, 40 yaşlı Maks Armstronq düşərgəyə gedib və baş barmağını yandırıb. Buna əhəmiyyət verməyən Maks sadəcə yanmış yerin üzərinə yara bandı yapışdırmaqla kifayətlənib. Ancaq bu bəsit yara onun həyatını kabusa çevirib.

Yanıq olan hissədən bədəninə daxil olan "Strep A" bakteriyası sürətlə yayılıb. O, ilk günlərdə yüngül ağrılar hiss etsə də, bir neçə gün ərzində ayaqları şişib, dırnaqları qaralıb.

Maks ağrılar dözülməz həddə çatdıqda xəstəxanaya yerləşdirilib. Həkimlər qanına infeksiya keçdiyini və sürətlə yayıldığını bildiriblər.

6 gün koma vəziyyətində qalan şəxsin həyatını xilas etmək üçün həkimlər hər iki ayağını kəsib.

Hadisənin mətbuatda yayımlanmasından sonra insanlar M.Armstronq üçün ianə kampaniyası başladıb. Toplanılan pullarla ona protez ayaq alınacağı bildirilib.

Telegramda izləyin