Milli boksçu məscid məmurunu yumruqlayaraq iflic edib - VİDEO

İstanbulun Zeytinburnu qəsəbəsində məsciddə işləyən təmizlik işçisi milli boksçu Yavuz Özden tərəfindən döyülüb.

Sonxeber.az xarici mediaya istinadən xəbər verir ki, iddiaya görə, əlil tualetini yoxlamaq istəyən şəxs qapıya təpik vuraraq içəri girməyə çalışıb. İşçi bu vəziyyətə müdaxilə edərək, həmin şəxsin bu şəkildə yoxlaya bilməyəcəyini və şikayətlərin bələdiyyəyə çatdırılması lazım olduğunu bildirib.

Aralarındakı mübahisədən sonra hadisə bağlanmış kimi görünsə də, axşam namazından sonra məsciddən çıxan işçiyə hücum edilib.

Milli boksçu məscid işçisini döyüb və üz sümüklərini sındırıb. Əməliyyatdan sonra işçinin üzü iflic olub və səhhətinin vəziyyəti ağır olaraq qalır. Təmizlikçi ailəsi ədalətin bərqərar olmasını və şəxsin cəzalandırılmasını istəyir.

Telegramda izləyin