17 yaşlı qız niyə mağaza sahibini bıçaqlayıb öldürdü?

Milasda mağaza sahibi Halil İbrahim Mercan iş yerində ölü tapılıb.

Sonxeber.az türk mediasına istinadən xəbər verir ki, hadisə dünən səhər saatlarında Milas rayon mərkəzi, Cümhuriyyət küçəsində baş verib. Belə ki, yoldan keçən vətəndaşlar mağazaların yerləşdiyi küçədə stulda hərəkətsiz oturan şəxsi görüblər.

Vəziyyətdən şübhələnən vətəndaşlar 112 Təcili Zəng Mərkəzinə zəng edib. Xəbər verildikdən sonra əraziyə təcili tibbi yardım və polis qrupları sövq edilib. Qısa müddətdə əraziyə gələn həkimlər şəxsin öldüyünü müəyyən edib. Bıçaqlanan və həddindən artıq qan itirən şəxsin Milasda tərəvəz marketinin sahibi Halil İbrahim Mercan (48) olduğu müəyyən edilib.

Polis qrupları qətllə bağlı araşdırma başladıb və bölgədəki bütün təhlükəsizlik kameralarını izləyib. Yüzlərlə saatlıq təhlükəsizlik kamerası görüntülərini izləyən polis hadisəni törətməkdə şübhəli bilinən 17 yaşlı B.Ö. adlı qadını saxlayıb. Onun bu əməli niyə törətdiyi hələlik məlum deyil.

Təhlükəsizlik kameralarına düşən görüntülərdə B.Ö-nin hadisə yerinə çox sakit gəldiyi, küçədə oturan Mercan-ı dəfələrlə bıçaqladığı, daha sonra gəldiyi istiqamətə dönərək sürətlə uzaqlaşdığı görülüb.

Hadisə ilə bağlı araşdırmalar davam edir

Telegramda izləyin