Sərnişin üstə düşən mübahisə cinayətlə nəticələndi - VİDEO

İstanbulda dəhşətli hadisə baş verib.

Sonxeber.az türk mediyasına istinadən xəbər verir ki, mikroavtobusla yaxınlıqdakı şəhərlərə sərnişin daşıyan U.Çağlar (40) ilə Nihat Baysal (61) arasında "sərnişin götürmək" məsələsinə görə mübahisə düşüb.

Qısa müddətdə davaya çevrilən mübahisədə U.Çağlar avtomobilindən götürdüyü beysbol çubuğu ilə Baysalın başına zərbə endirib.

Ərazidəki digər vətəndaşların müdaxiləsi ilə dava bitib. Hadisədən bir neçə dəqiqə sonra mağazaya daxil olan Nihat Baysalın vəziyyəti pisləşərək xəstəxanaya aparılıb.

Bütün müdaxilələrə baxmayaraq Baysal həyatını itirib.

Polis qrupları tərəfindən nəzarətə alınan U.Çağlar isə gətirildiyi məhkəmə tərəfindən həbs olundu.

Telegramda izləyin