"Azərbaycanın Somali ilə əlaqələrinin inkişafında təhsil sahəsi mühüm yer tutur" - DEPUTAT

"Somali Federativ Respublikasının Prezidenti Hasan Şeyx Mahmud Azərbaycanda rəsmi səfərdə olmuşdur. Somali Federativ Respublikasının Prezidentinin ölkəmizə səfəri zamanı bir neçə rəsmi tədbirlərdə iştirak etmiş, iki ölkə arasında əməkdaşlıq istiqamətdə sənədlər imzalanmışdır. Azərbaycan ilə Somali Respublikası arasındakı münasibətlər son illərdə əhəmiyyətli dərəcədə inkişaf edib. Hər iki ölkə arasında sıx dostluq və əməkdaşlıq əlaqələri qurulmuşdur. Azərbaycan, Somali ilə müxtəlif sahələrdə, xüsusilə enerji, təhsil və təhlükəsizlik məsələlərində əməkdaşlığın gücləndirilməsi üçün bir sıra təşəbbüslər irəli sürüb. Azərbaycan, Somali ilə siyasi və diplomatik əlaqələri inkişaf etdirərək, beynəlxalq məsələlərdə birgə mövqelərin müəyyən edilməsinə çalışır. Prezident İlham Əliyev və Somali Prezidenti Hasan Şeyx Mahmud arasındakı görüşlər də bu əlaqələrin daha da möhkəmlənməsinə və yeni əməkdaşlıq sahələrinin müəyyən edilməsinə təkan verir".

Bunu Sonxeber.az-a deputat Şahin Seyidzadə danışıb.

O, açıqlamasında qeyd edib ki, Prezident İlham Əliyev çıxışında Somalidən bir sıra tələbələrin Azərbaycanda Heydər Əliyev adına təqaüd əsasında təhsil aldıqlarını bildirdi:

"Azərbaycanın Somali ilə münasibətləri yalnız siyasi və iqtisadi deyil, həm də mədəni və humanitar sahələrdə inkişaf etməkdədir. Bu əməkdaşlıq, iki ölkə arasında strateji əlaqələrin möhkəmlənməsinə və yeni imkanların yaranmasına səbəb olur.  

Azərbaycanın Somali ilə əlaqələrinin inkişafında təhsil sahəsi mühüm yer tutur. Prezident İlham Əliyev çıxışında ikitərəfli münasibətlərdə təhsilə xüsusi əhəmiyyət verdiyini vurğulayaraq, Somali Prezidenti Hasan Şeyx Mahmudla müzakirə etdikləri və edəcəkləri sahələr arasında təhsil sahəsinin ən vaciblərindən biri olduğunu qeyd etdi. O, artıq bu sahədə ilkin nailiyyətlərin əldə edildiyini və Somalidən bir sıra tələbələrin Azərbaycanda Heydər Əliyev adına təqaüd əsasında təhsil aldıqlarını bildirdi. Bu gün imzalanan sənədin, onların sayını artırmaq imkanını yaradacağını və ilkin mərhələdə on tələbənin təhsil alacağını, sonradan isə bu sayın daha da artacağını ifadə etdi. Prezident İlham Əliyev Somalidən olan tələbələrin Azərbaycan universitetlərində müasir təhsil proqramlarına çıxış əldə edəcəyini və bunun Somalinin iqtisadi inkişafına müsbət təsir edəcəyini vurğuladı. Bu addım, iki ölkə arasında təhsil sahəsindəki əməkdaşlığın daha da möhkəmlənməsinə xidmət edəcək.

Prezident İlham Əliyev: "Dəvətimi qəbul edərək ölkəmizə rəsmi səfər etdiyinizdən olduqca məmnunam. Bu, tarixi səfərdir və ölkələrimiz arasında ikitərəfli münasibətlərin tarixində ilkdir. Əminəm ki, səfər ölkələrimiz arasında sıx dostluq münasibətlərində yeni səhifə açacaq. Bu gün Prezidentlə görüşümüz zamanı biz qarşılıqlı maraq doğuran kifayət qədər böyük sayda məsələləri artıq müzakirə etdik. Bu gün müzakirələrimizi nümayəndə heyəti üzvlərinin iştirakı ilə davam etdirəcəyik.""

Deputat onu da vurğuladı ki, Somali Federativ Respublikasının Prezidenti Hasan Şeyx Mahmud prezidentinin ölkəmizə etdiyi bu tarixi ilk səfər, ikitərəfli münasibətlərin daha da inkişaf etdirilməsi üçün yeni bir mərhələ açdı:

"Ölkəmizdə səfərdə olan Somali Federativ Respublikasının Prezidenti Hasan Şeyx Mahmud mətbuata bəyanatlarla çıxışında bildirib ki:" Bu səfər, sadəcə, diplomatik əməkdaşlıq deyil. Bu, həqiqətən iki qardaş ölkələrimiz arasında tərəfdaşlıq üzrə səmərəli və strateji müttəfiqliyin başlanğıcı deməkdir. Somali və Azərbaycanın inkişaf, təhlükəsizlik və tərəqqi ilə bağlı baxışları üst-üstə düşür. Bu gün biz əsasən tərəflər arasında daha sıx əməkdaşlığın dərinləşdirilməsinə sadiqliyimizi bildirdik. Mən, həmçinin Azərbaycan xalqını öz suverenliyini və ərazi bütövlüyünü qoruduğuna görə təqdir etmək istərdim.

Somali Federativ Respublikasının Prezidenti Hasan Şeyx Mahmud prezidentinin ölkəmizə etdiyi bu tarixi ilk səfər, ikitərəfli münasibətlərin daha da inkişaf etdirilməsi üçün yeni bir mərhələ açmış oldu. Səfər çərçivəsində əldə edilən razılaşmalar və gələcəkdəki əməkdaşlıq perspektivləri, yalnız iki ölkə arasında deyil, həm də regional və qlobal miqyasda daha möhkəm əlaqələrin qurulmasına xidmət edəcək. Bu münasibətlərin inkişafı, gələcəkdə həm Somali, həm də ölkəmiz üçün böyük faydalar gətirəcəkdir".

Vüsalə İbrahimli

Telegramda izləyin