Alimdən XƏBƏRDARLIQ - Böyük daşqınlar olacaq və bu ərazilər su altında qalacaq

Buzlaqların sürətlə əriməsi planeti fəlakətli nəticələrlə təhdid edir.

BAKU.WS xəbər verir ki, bu barədə rusiaylı qlasioloq (buzlaqşünas) Andrey Qlazovski məlumat verib.

Onun sözlərinə görə, 20-ci əsrin əvvəllərindən buzlaqların kiçilməsi prosesi tədricən getsə də, son 30 ildə onun sürəti kəskin artıb.

Qlazovski qeyd edib ki, bu cür dəyişikliklər su ehtiyatlarının balanssızlığına, torpağın şoranlaşmasına, ekosistemlərin məhvinə və bir çox heyvan növlərinin, o cümlədən qütb ayılarının və pinqvinlərin nəsli kəsilmək təhlükəsi yaradır.

Hazırda dəniz səviyyəsi ildə təxminən 3,4-3,7 millimetr yüksəlir, lakin əsrin sonuna qədər bu rəqəm bir-iki metrə çata bilər. Bu, bütün regionlar və icmalar üçün ciddi təhlükə yaradır. Məsələn, Cakarta artıq dünyanın ən sürətli batan şəhəri kimi tanınıb, Mayami və Nyu-York isə müntəzəm olaraq daşqınlardan əziyyət çəkir.

Dünyanın ən böyük meqapolisləri arasında Şanxay və Mumbay da risk altındadır. Venesiya artan su səviyyəsi ilə fəal mübarizə aparır.

Alimlərin proqnozlarına görə, bu əsrin ortalarına qədər milyonlarla insan müntəzəm daşqınlarla üzləşəcək, əhalinin kütləvi miqrasiyası təxminən 2100-cü ildən başlayacaq.

Telegramda izləyin