16 arvadı, 104 oğlu, 144 nəvəsi var - Bir kəndi xatırladan ailəni necə idarə edir?

16 arvadı, 104 oğlu və 144 nəvəsi olan afrikalı kişi onların adlarını xatırlamadığını etiraf edib.

Sonxeber.az Qaynarinfo-ya istinadən xəbər verir ki, Tanzaniyada kiçik bir kəndin sakini olan Ernesto Muinuçi Kapinqa qeyri-adi böyük bir ailənin başçısıdır. Onun 16 arvadı, 100-dən çox övladı və 144 nəvəsi var. Onun mülkü kiçik bir kəndi xatırladır, burada hər arvadın öz evi var, uşaqları və nəvələri ev işlərinə kömək edir.

Kapinqanın hekayəsi 1961-ci ildə birinci arvadı ilə evləndiyi zaman başlayıb. Lakin ailənin genişlənməsini istəyən atasının təkidi ilə daha bir neçə arvad alıb. Zaman keçdikcə Kapinqanın ailəsi 20 arvada çatıb, lakin onlardan bəziləri ayrılıb. Kapinqanın arvadları onun yaxşı və hörmətli ər kimi tanınmasına görə evliliyə razılaşdıqlarını iddia edirlər. Qısqanclıq olmadan harmoniyada yaşayırlar, hər bir həyat yoldaşının öz vəzifəsi və evi var.

"Burada hər kəsin öz rolu var, biz birlikdə əkinçilik edirik, yeyirik və işləyirik. Bu bir sistemdir və işləyir", deyə Kapinqa bildirib.

Ailə kənd təsərrüfatı, qarğıdalı, lobya, manyok və banan yetişdirməklə özünü tamamilə təmin edir. Artıq məhsul dəyişdirilir və ya satılır. Ailənin böyüklüyünə baxmayaraq, münaqişələr nadir hallarda baş verir. Arvadlar problemləri açıq şəkildə müzakirə edir, razılaşa bilməsələr, məsləhət üçün Kapinqaya müraciət edirlər. O, ədalətli olmağa və tərəf tutmamağa çalışır.

Amma afrikalı etiraf edir ki, bütün övladlarının və nəvələrinin adlarını xatırlamaq onun üçün çətindir. 50-yə yaxın adı xatırlayır, qalanlarını isə üzlərindən tanıyır.

Telegramda izləyin