Keçmiş arvadını 7 dəfə bıçaqlayaraq öldürən kişi barəsində qərar verildi

Ankarada keçmiş həyat yoldaşını 7 bıçaq zərbəsi ilə öldürən şəxs barəsində qərar verilib.

Sonxeber.az türk mediasına istinadən xəbər verir ki, Sinan Özçelik adlı kişi keçmiş həyat yoldaşı ilə mübahisə edərəkən əsəbiləşib və ona 7 dəfə ağır bıçaq zərbəsi endirib.

Qadın hadisə yerində dünyasını dəyişib. Sinan Özçelik polis tərəfindən saxlanılıb.

Bir müddətdir istintaq prosesi davam edən işdə yekun qərar verilib. Hakim Özçelikə "qəsdən adam öldürməyə cəhd" maddəsi ilə 15 il həbs cəzası verib. Lakin şübhəlinin vəkilinin etirazından sonra qərar dəyişdirilib.

Belə ki, məhkəmə qadının uşaqlarına münasibətini və müttəhimi təhqir etməsini haqsız təxribat kimi qiymətləndirərək Özçelikin cəzasını 8 il 4 aya endirib.

Telegramda izləyin