Hərəkətdə olan maşından atılan fişəng böyük yanğına səbəb oldu: 1 ölü, 6 yaralı - VİDEO

ABŞ-da 4 İyul - Müstəqillik Günü qeyd etmələri zamanı gənclərin hərəkətdə olan pikapın yük yerindən fişəng atdığı görüntülər yayılıb.

Sonxeber.az xarici mediaya istinadla xəbər verir ki, səlahiyyətlilər həmin fişənglərdən birinin böyük meşə yanğınına səbəb olduğunu ehtimal edirlər.

Hadisə Vaşinqton ştatının Chelan Hills bölgəsində baş verib. İddiaya görə, 18 yaşlı Michael Yakimov və dostları gecə yarısından az əvvəl Highway 97 yolunda hərəkətdə olan avtomobilin arxasından fişənglər atıblar. Hadisə qrup üzvlərindən biri tərəfindən telefonla lentə alınıb.

Yanğın nəticəsində təxminən 10 min hektar ərazi zərər görüb. 69 yaşlı Robert Lister avtomobili ilə yoldan çıxaraq həyatını itirib, 6 yanğınsöndürən yaralanıb. Həmçinin 19 ev daxil olmaqla 100-dən çox tikili zərər görüb və ya tamamilə yanıb.

Polis yanğının başladığı ərazidə "Trooper Turret" adlı fişəng aşkar edib. Hazırda onun yanğınla əlaqəsi araşdırılır.

Yakimov birinci dərəcəli adamöldürmə, yanğın törətmə, qəsdən zərər vurma və 6 ayrı hücum ittihamı ilə üzləşib. Onun ilk məhkəmə iclasının sentyabrın 17-də keçirilməsi planlaşdırılır. Hadisə ilə bağlı daha 5 nəfərin də araşdırmaya cəlb olunacağı bildirilir.

Telegramda izləyin