Pensiyasını almaq üçün evdən çıxan qocanı öldürüb qaçan şəxs saxlanıldı

Samsunda 14 cinayəti olan şəxs pensiyasını almaq üçün evdən çıxan 6 uşaq atası qocanı bıçaqlayaraq öldürüb.

Sonxeber.az türk mediasına istinadən xəbər verir ki, hadisə Samsunun Canik rayonunda baş verib. Əldə edilən məlumata görə, 6 uşaq atası Sebahattin Coşar (69) yaşlılıq pensiyasını çəkmək üçün martın 6-da evdən çıxıb. Lakin ailəsi bir daha ondan xəbər ala bilməyib. Sebahattin Coşarın qızı Aysun Karaca dünən gecə atasının itkin düşməsi ilə bağlı polisə müraciət edib. Polis araşdırmaları nəticəsində qocanın 'narkotik, qəsdən yaralama, təhdid və maddi ziyan' maddələri ilə 14 cinayəti olan Emin Yarar (23) tərəfindən öldürüldüyünü müəyyən edib. O qocanı öldürdükdən sonra meyiti öz evinin zirzəmisinə daşıyıb və gizlədibmiş.

Emin Yarar qısa müddətdə tutularaq nəzarətə götürülüb. Şübhəli cinayətini etiraf edib və hadisədə istifadə etdiyi bıçaq atdığı yerdən götürülüb.

Telegramda izləyin