Küçə itləri ərzaq mağazasına gedən 10 yaşlı uşağı parçaladı

Konyada 10 sahibsiz itin hücumunda həyatını itirən 2 yaşlı Rana El Selcinin ölüm ağrısı hələ də təzə olsa da, daha bir hücum xəbəri Ərzurumdan gəldi.

Sonxeber.az türk mediyasına istinadən xəbər verir ki, ötən gün saat 17:00 radələrində Narman rayonunun Sütpınar məhəlləsində çörək almaq üçün ərzaq mağazasına gedən 10 yaşlı Murat Tutar sahibsiz itlərin hücumuna məruz qalıb.

İtlər onun başını, boğazını və bədəninin bir çox nahiyəsini dişlədiyi üçün Tutar ağır yaralanıb. Ərzaq mağazasına gedən şəxs tərəfindən xilas edilən Murat Tutar ailəsi tərəfindən Nərman Dövlət Xəstəxanasına çatdırılıb.

Burada ilkin tibbi yardım alan Tutar Ərzurum Şəhər Xəstəxanasına köçürülüb. Yaralarına tikişlər vurulan Murat Tutar reanimasiya şöbəsinə yerləşdirilib.

Telegramda izləyin