"Qlobal maraqlar regional və dövlətlərarası gərginliklər üçün zəmin yaradır" - DEPUTAT

Cənab Prezident İlham Əliyev strateji düşüncə qabiliyyəti, situasiyaya uyğun qərar qəbul etmə bacarığı ilə praqmatik lider kimi hər zaman dünya mediasının diqqət mərkəzindədir.

Ölkə rəhbərimizin XII Qlobal Bakı Forumu çərçivəsində " Euronews" televiziyasına verdiyi müsahibə bunun bariz nümunəsidir. Cənab Prezident müsahibə zamanı Azərbaycanın beynəlxalq münasibətlər sistemindəki strateji yanaşmasını, yeni dünya nizamının yaratdığı geosiyasi və geoiqtisadi reallıqları, regional mövqeyimizi və dövlət maraqlarımızın aydın təsəvvürünü formalaşdırdı.

Hazırda beynəlxalq münasibətlər sistemi yeni çağırışlarla qarşı-qarşıyadır. Münaqişələrin və eskalasiyaların sayı artmaqdadır.

Qlobal maraqlar regional və dövlətlərarası gərginliklər üçün zəmin yaradır.

Lakin çox təəssüf ki, mövcud proseslərlə bağlı aydın fikir və böhranlı vəziyyətləri idarə edəcək mexanizm yoxdur. Beynəlxalq hüquq və təşkilatlar öz effektivliyini itirib, ikilin standartların tətbiqi geniş vüsət alıb. Məhz bu səbəbdən daha ədalətli düzənin təsis edilməsi artıq zərurətdir. Azərbaycan bu mənada öz siyasi rolunu durmadan artırır, problemlərin ədalət prinsipləri kontekstində həllini dəstəkləyir.

Günay Ağamalı

Milli Məclisin deputatı, Ana Vətən Partiyasının sədr müavini

Telegramda izləyin