Dəfn zamanı ölən adamın cəsədi düşmənləri tərəfindən yandırıldı

Braziliyanın şimalındakı Trairi şəhərində şok hadisə baş verib. Bir dəstə üzvünün dəfn mərasimi rəqib dəstə üzvlərinin hücumuna məruz qalıb.

Sonxeber.az xarici mediaya istinadən xəbər verir ki, əldə edilən məlumata görə, mərhum bir gün əvvəl polislə atışmada dünyasını dəyişib. Ölən şəxs və 10-a yaxın dəstə üzvü rəqib qruplaşmaya pusqu qurmağa hazırlaşarkən polis tərəfindən görülüb və 3 dəstə üzvü baş verən qarşıdurmada həyatını itirib.

Belə ki, dörd nəfər dəfn mərasiminə basqın edərək, tabutu yandırmazdan əvvəl iştirakçıları hədələyib. Yanğın zamanı hücum edənlərdən biri üzündən yaralanıb və xəstəxanaya aparılıb. Polis bu 18 yaşlı şübhəlini və eyni gündə daha üç şübhəlini yaxalayıb.

Təhlükəsizlik qüvvələrinin sözçüsü bildirib ki, "Ərazidə dəstə zorakılığı artmaqdadır. Bu cür hadisələr cəmiyyətdə böyük qorxu yaradır".

Telegramda izləyin