"Bakı Təşəbbüs Qrupunun humanist və demokratik dəyərlərə əsaslanan fəaliyyəti təqdirəlayiqdir" - AÇIQLAMA

"Bakı Təşəbbüs Qrupunun Fransanın neokolonializm siyasətinə qarşı apardığı qətiyyətli mübarizə Emanuel Makron administrasiyasını ciddi şəkildə narahat edir" - bunu Sonxeber.az -a açıqlama verən deputat Günay Ağamalı deyib:

"Fransanın dənizaşırı ərazilər üzrə naziri Manuel Valsın Bakı Təşəbbüs Qrupunun Yeni Kaledoniyanın institusional gələcəyi ilə bağlı danışıqlarda vasitəçi olmağı təklifinə qarşı çıxması bunun bariz nümunəsidir.

XX əsrin rəsmi dekolinizasiya prosesinə baxmayaraq Yelisey Sarayı müasir reallıqlara uyğun olaraq imperialist mexanizmlərini həyata keçirir. Onlar siyasi, iqtisadi və institusional təsir riçaqlarından istifadə edərək əsarətdə saxladıqları xalqların resursları, bazarları, siyasi quruluşları və mədəni inkişafları üzərində nəzarəti qoruyub saxlayırlar. Bu isə həmin xalqların milli kimliyində, inkişafında və formalaşmasında dərin çatlar yaradır. Mövcud problemləri göz önünə gətirdikdə Bakı Təşəbbüs Qrupunun humanist və demokratik dəyərlərə əsaslanan fəaliyyəti təqdirəlayiqdir.

Rəsmi Paris qrumun Yeni Kaledoniya, Poloneziya kimi dənizaşırı ərazilərdə insanların həyat səviyyəsini işıqlandırmasından, onların müstəqillik ideyalarını dəstəkləməsindən olduqca tədirgindir. Çünki bu onların əsrlərdir davam edən müstəmləkəçilik ənənələrinin süqutu deməkdir. Məhz bu səbəbdən fransız rəsmiləri əsassız iddialarla Bakı Təşəbbüs Qrupunu və ölkəmizi hədəfə alırlar. Onların qərəzli ritorikası məhvə məhkumdur"

Çiçək Sadatova

Telegramda izləyin