İldırım təhlükəsi zamanı necə xilas olmaq olar? – TÖVSİYYƏLƏR

Mütəxəssislər ildırım çaxan zaman düzgün davranmağın həyatı xilas edə biləcəyini deyirlər.

BAKU.WS həmin qaydaları təqdim edir.

İldırım təhlükəsi zamanı hara sığınmaq olar?

Ən təhlükəsiz yer qapalı məkanlardır. Əgər ildırım təhlükəsi zamanı çöldəsinizsə:

Avtomobilə və ya bina içinə girin: Metal karkaslı avtomobillər ildırıma qarşı qoruyucudur, ancaq avtomobilin içində metal əşyalara toxunmamaq şərtilə.

Binaların içi: Elektrik sistemi düzgün quraşdırılmış binalar ildırıma qarşı nisbətən təhlükəsizdir.

Qətiyyən ağac altına sığınmayın! İldırım hündür obyektlərə vurduğuna görə, ağaclar və elektrik dirəkləri yaxınlıqda olmaq təhlükəlidir.

Açıq sahədəsinizsə, nə etməlisiniz?

Ayaq üstə durmayın, lakin yerə uzanmayın. Bunun əvəzinə çömbəlmək və başınızı dizlərinizin arasına alaraq minimal hündürlükdə durmaq tövsiyə olunur.

Sulu ərazilərdən uzaq durun. Su ildırımı keçirə bilər.

Metal əşyalardan uzaq durun. Çətir, mobil telefon, velosiped kimi metallı obyektlər ildırımı cəlb edə bilər.

Elektrik və rabitə xətlərindən uzaq durun.

Evdə olarkən nə etməli?

Elektrik cihazlarını söndürün və istifadədən çəkinin.

Su kranlarından uzaq durun – ildırım su boruları vasitəsilə də keçə bilər.

Pəncərələrdən uzaq durun və açmayın.

Mütəxəssislər bildirirlər ki, ildırımdan qorunmaq üçün ən vacib faktor əvvəlcədən hava şəraitinə diqqət yetirmək və ehtiyatlı olmaqdır.

Telegramda izləyin