Orta məktəb şagirdi bir qrup şəxs tərəfindən döyüldü

İstanbulun Kadıköydəki bit bazarında bıçaqlı hücum nəticəsində həyatını itirən 15 yaşlı Ahmet Minguzzinin ölümü ilə bağlı yeni bir hadisə baş verib.

Sonxeber.az türk mediasına istinadən xəbər verir ki, Minguzzinin qətlində şübhəli bilinən şəxsi qınayan xəbəri paylaşan və şərh edən orta məktəb şagirdi 7 nəfər tərəfindən döyülüb.

Məktəblinin şərhini görən bir qrup şəxs sosial şəbəkədə onu təhdid etməyə başlayıb. Daha sonra onun mobil telefon nömrəsini tapıb və hədələyici mesajlar göndərməyə başlayıblar.

Bununla kifayətlənməyən qrup ötən şənbə günü məktəb şagirdinə zəng edərək onu evinin yaxınlığındakı parka dəvət edib. Uşaq parka gedəndə həmin şəxslər ona hücum edərək döyüblər.

Xəbərdarlıq üzərinə hadisə yerinə gələn təcili tibbi yardım qrupları tərəfindən xəstəxanaya aparılan uşağın səhhətinin yaxşı olduğu öyrənilib.

Hadisə yerindən qaçan şübhəlilər axtarılır.

Telegramda izləyin