Sosial şəbəkə davası 3 can aldı

Parkda baş verən hadisəni aralarında düşmənçilik olan iki qrup törədib.

Sonxeber.az türk mediyasına istinadən xəbər verir ki, baş verən atışmada 24 yaşlı Serdar və 19 yaşlı Umut Akipa qardaşları hadisə yerində, ağır yaralanan 29 yaşlı Ferhat Ay isə aparıldığı xəstəxanada dünyasını dəyişib.

Polis əməkdaşlarının apardığı araşdırmalar nəticəsində münaqişədə şübhəlilərin O.A. (30), Y.A. (25) və K.O. (27) olduğu təsbit edildi.

Xüsusi əməliyyat qruplarının da iştirak etdiyi əməliyyatda şübhəlilərdən ikisi Adanada, biri isə Mersində tutulub.

Adana polisi tərəfindən ifadələri alınan 3 şübhəli qətldən günahlandırılaraq, C.A. isə dələduzluqda ittiham olunduğu məhkəmə binasında həbs edilərək həbsxanaya göndərilib.

Şübhəlilərin bir-birlərini əvvəllər də tanıdıqları və sosial şəbəkədə apardıqları müzakirələrə görə aralarında düşmənçiliyin yarandığı öyrənilib.

Qətldən əvvəl sosial şəbəkədə bir-birini söyən iki dost qrupunun parkda rastlaşdıqları zaman hadisəni törətdikləri məlum olub.

Sosial şəbəkədə söyüş üstündə mübahisə ilə başlayan və münaqişəyə çevrilən hadisədə dünyasını dəyişənlərdən ikisinin bir tərəfdən, digərinin isə digər tərəfdən olduğu bildirilib.

Telegramda izləyin