"Havanın insanların əhval-ruhiyyəsinə təsir etməsi tez-tez rastlaşdığımız haldır" - AÇIQLAMA

"Havanın insanların əhval-ruhiyyəsinə təsir etməsi tez-tez rastlaşdığımız haldır", - bunu Sonxeber.az -a açıqlama verən psixoloq Aytən Ələkbərova deyib:

"Adətən yağışlı havalarda bəzi insanlar əhval-ruhiyyələrinə təsir edəcək məqamlarla rastlaşırlar. Bu da özünü müxtəlif şəkildə göstərir, məsələn boğulmalar, ürək titrəmələri, qusmalar və.s kimi. Qapalı havanın bizi pis hiss etdirməsinin səbəblərindən biri də belə havalarda sosial fəaliyyətlərin məhdudlaşmasıdır. İnsanlar soyuq, yağışlı havalarda daha çox evdə qalmağa meyl edir və ya işdən kənar, hansısa sosial məşğuliyyətlərə qarşı istəksiz olur. Bu da insanda təkliyə, motivasiya düşkünlüyünə yol açır. Bu baxımdan gün işığı çox vacib bir mənbədir.

Hətta təcrübəmizdə "Sanki çiskinli hava, palçıqlı su mənim üzərimdədir kimi hiss edirəm" deyən insanlara belə rast gəlmişik. Bu insanlar psixosomatikadan əziyyət çəkirlər. Bu durum onların əhval-ruhiyyələrini idarə etməyə başlayır. Çox yaxşı olar ki, ürəyində problem olan insanlar küləyin əks istiqamətində hərəkət etsinlər. Əhval-ruhiyyələrini artıracaq insanlarla təmasda olsunlar. Yaranacaq mövcud melanxolik durumu süni bir eyforiya ilə aradan qaldırmağa çalışsınlar. Əlbəttə bəzi insanlar tək olaraq bunun öhdəsindən gələ bilmirlər. Onlara mütəxəssis köməyindən istifafə etməyi məsləhət görürəm".

Telegramda izləyin