Cənubi Koreyada bir ilk: "Terminator-2" filmindəki transformasiya olunan "maye robot" yaradıldı

Cənubi Koreyada alimlər "maye robot" hazırlayıblar.

Oxu.Az xəbər verir ki, Seul Milli Universiteti və Qaçon Universiteti alimləri tərəfindən innovativ "maye robot" hazırlanıb. Bu barədə məlumat "Science Advances" elmi jurnalında dərc olunub.

Yeni nəsil robot formasını dəyişə, dar boşluqlardan keçə, hətta ayrı-ayrı hissələrə bölünüb sonradan yenidən birləşə bilir.

Robotun quruluşu, xüsusi maye maddə üzərində formalaşdırılmış və sürtünməni azaldan hissəcik təbəqəsi ilə örtülüb. Bu xüsusiyyət sayəsində robot suyun səthi boyunca sərbəst hərəkət edə və əlçatmaz sahələrə, o cümlədən çox dar boşluqlara daxil ola bilir.

İdarəetmə sistemi isə səs dalğaları əsasında qurulub. Bu, robota həm suda, həm də bərk səthlərdə olan obyektlərlə qarşılıqlı əlaqəyə girməyə imkan verir.

Tədqiqatçılar bu texnologiyanın müxtəlif sahələrdə tətbiq oluna biləcəyini bildirirlər. Belə sahələrə aşağıdakılar daxildir:

Tibbi sahə - məsələn, dərmanların dəqiq şəkildə çatdırılması;

Axtarış-xilasetmə əməliyyatları - dağıntılar altına düşən ərazilərə giriş imkanı;

Mikromühəndislik - kiçik və dəqiq mexanizmlərdə istifadəsi.

Alimlər əlavə ediblər ki, bu layihə "Terminator 2" filmindəki T-1000 adlı "maye robot" obrazından ilhamlanaraq hazırlanıb.

Telegramda izləyin