İlk dəfə insan heyvanlar üçün təhlükəli xəstəliyə yoluxdu

Meksikada ilk dəfə insanda "Cochliomyia hominivorax" milçəyindən miyoza yoluxma halı qeydə alınıb.

Lent.az xəbər verir ki, bu barədə ölkənin Səhiyyə Nazirliyi məlumat yayıb.

"Xəstəliyə yoluxma Çiapas ştatının Akakoyqva bələdiyyəsində yaşayan 77 yaşlı qadında qeydə alınıb. Hazırda xəstənin vəziyyəti stabildir, antibiotik terapiyası alır və Tapaçula şəhərindəki yüksək ixtisaslaşdırılmış şəhər xəstəxanasında müalicəsini davam etdirir".

Mütəxəssislər qeyd edirlər ki, insanların bu cür yoluxma halı ilk dəfədir aşkar edilir. Miyoz, əsasən iribuynuzlu heyvanlarda geniş yayılıb.

Meksika Kənd Təsərrüfatı Nazirliyi xəstəliyin mümkün alovlanması ilə mübarizə aparmaq üçün hazırlığa başlayıb.

Xəstəliyə yoluxmuş pensiyaçının yaşadığı ərazidə xüsusi epidemioloji qrup işləyir. Qrup vəziyyətin daimi monitorinqini və sanitar nəzarəti həyata keçirir.

Telegramda izləyin