Nəvəsindən Cavanşir Məmmədovun ölüm ildönümü ilə bağlı paylaşım

Bu gün Əməkdar artist Cavanşir Məmmədovun ölümündən 1 il ötür.

Axşam.az xəbər verir ki, nəvəsi Rəfiqə babası ilə bağlı paylaşım edib. O, mərhum müğənninin heç yerdə olmayan görüntülərini yayımlayaraq, bunları yazıb:

"Bu gün əziz babam, Əməkdar artist Cavanşir Məmmədovun vəfatının birinci ildönümüdür. Tam 1 il öncə amansız fələk onu bizdən vaxtsız aldı. Kaş ki, onunla keçən zamanları geri qaytara bilərdik. İllər keçsə belə yeri hər zaman əvəzolunmaz olaraq qalacaq. Daim sənəti ilə xalqa xidmət etmiş sənətkar şəxsin ailə üzvü olmaq isə böyük qürur hissidir. Yoxluğu ilə dərin yaraya səbəb olan, ruhu ilə daim güc verən əziz babam, məkanın cənnət olsun. Uca Tanrı dünyadan köçən bütün valideynlərə, ailə böyüklərinə rəhmət eləsin".

Qeyd edək ki, C.Məmmədov qəfl ürəktutmadan dünyasını dəyişib.

Telegramda izləyin