Braziliyada Lavrovu Ledi Qaqa ilə səhv saldılar

Braziliyada baş verən gülməli anlaşılmazlıq dünya mediasında böyük maraqla qarşılanıb. Belə ki, Rio-de-Janeyroya BRICS ölkələrinin XİN başçılarının iclasında iştirak etmək üçün gedən Rusiyanın xarici işlər naziri Sergey Lavrovu yerli sakinlər amerikalı pop-diva Ledi Qaqa zənn ediblər.

Oxu.Az-ın verdiyi məlumata görə, bu barədə "StarHit" "Telegram" kanalında xəbər verib.

Sosial şəbəkələrdə Rio küçələrindən sirenlərlə keçən avtomobil kortejinin görüntüləri yayılıb. Video "Ledi Qaqa, Rio-ya xoş gəlmişsiniz" kimi bir yazı ilə müşayiət olunub. Lakin kanalın iddiasına görə, əslində kortejdə rusiyalı diplomat Sergey Lavrov olub.

Bu məzəli hadisə Ledi Qaqanın məşhur Kopakabana çimərliyində mayın 3-də keçiriləcək böyük konsertindən əvvəl baş verib. Pop ulduzunun çıxışı Rio-de-Janeyro bələdiyyəsi və "Santander" bankının birgə təşkil etdiyi "Todo Mundo no Rio" adlı möhtəşəm layihənin bir hissəsi olacaq. Təşəbbüsün məqsədi dünya musiqi idollarını Braziliyanın ən məşhur sahilinə dəvət etməkdir.

Bu arada, Sergey Lavrov Rio-de-Janeyroya tamamilə fərqli bir missiya ilə gəlib. O, 28-29 aprel tarixlərində BRICS ölkələrinin xarici işlər nazirlərinin iclasında iştirak edir ki, bu da birliyin 17-ci sammitinə hazırlıq çərçivəsində keçirilir.

Telegramda izləyin