Xeops piramidasının SİRRİ: İçində gizli məkan kəşf edildi

Son illərin ən mühüm arxeoloji kəşflərindən biri baş verib. Beynəlxalq arxeoloqlardan ibarət tədqiqat qrupu Misirdəki məşhur Xeops piramidasında uzunluğu 30 metrə çatan gizli bir boşluq aşkarlayıblar.

Oxu.Az-ın verdiyi məlumata görə, bu barədə "Nature" jurnalında xəbər verilib.

Tədqiqat zamanı müasir "müon tomoqrafiyası" texnologiyasından istifadə olunub. Bu üsul kosmik şüalar vasitəsilə piramidanın daxili strukturlarının üçölçülü təsvirlərini yaratmağa imkan verir.

Hələlik bu boşluğun hansı məqsədlə inşa edildiyi məlum deyil. Alimlər ehtimal edirlər ki, bu sahə dini əşyaların saxlandığı anbar, qədim bir rəsədxana və ya piramidanın konstruktiv dayanıqlığını təmin edən mühüm hissə ola bilər.

Bu mühüm tapıntı, təxminən 4 500 il əvvəl inşa edilmiş Xeops piramidasının mühəndislik texnologiyaları barədə yeni biliklər təqdim edə bilər. Arxeoloqlar bu unikal kəşfi daha da dərindən araşdırmağı planlaşdırırlar.

Telegramda izləyin