"Çin restoranı sindromu": Miqrenə səbəb olan qidalar

Miqren təkcə güclü başağrısı deyil, bir çox insan üçün əsl problemdir. Müəyyən edilib ki, qida rasionu miqren tutmalarının sayına əhəmiyyətli dərəcədə təsir göstərə bilər.

Oxu.Az xəbər verir ki, bu barədə rusiyalı nevroloq İnna Filatova kp.ru saytına müsahibəsində danışıb.

O qeyd edib ki, 20-30% hallarda miqren tutmaları müəyyən məhsulların qəbulu ilə ağırlaşır. Bunlara pendir, şokolad, sitrus meyvələri, eləcə də şərq ədviyyatları ilə zəngin qidalar daxildir. Bu cür məhsulların yaratdığı ağrı hücumlarına, hətta "Çin restoranı sindromu" adı da verilib.

Miqrenə səbəb olan əsas maddələrdən biri dadlandırma üçün tez-tez konservləşdirilmiş və dondurulmuş qidalara əlavə edilən qlutamat mononitrat maddəsi ola bilər. Bundan əlavə, şirin qazlı içkilərin tərkibində olan aspartam da miqren tutmalarına səbəb ola bilər.

Həkim miqrendən əziyyət çəkən xəstələr üçün gündəlik rejimə riayət edilməsinin və müntəzəm qidalanmanın vacibliyini vurğulayıb. Onun sözlərinə görə, aclıq ağrılı tutmalara səbəb olan amillərdən biridir.

Telegramda izləyin