İldə bir dəfə bişirilən yemək üçün minlərlə insan bu kəndə toplaşır - VİDEO

Türkiyənin Bursa vilayətinin adət-ənənələrinə sadiq qalan Keles rayonunun Sorgun kəndində 672 ildir davam edən qədim bir ənənə yaşadılır.

Sonxeber.az türk mediasına istinadən xəbər verir ki, kənd sakinləri hər ilin may ayının ilk həftəsində "il məhsulları bərəkətli olsun" deyə xüsusi bir xeyir yeməyi hazırlayırlar. Maraqlısı budur ki, bu yemək yalnız ildə bir dəfə bişirilir və olduqca özəl tərkibə malikdir.

Ənənəyə əsasən, kənddəki hər ev keçən il əkib-biçdikləri taxıllardan pay verir. Toplanan 13 müxtəlif növ taxıl 672 il əvvəl olduğu kimi daş dəyirmanda üyüdülür.

Bu qarışımdan hazırlanan və "Dədə Aşı" adlanan yemək, Bursanın hər yerindən gələn qonaqlara paylanır.

Minlərlə insanın axışdığı bu kənddə, yalnız ildə bir dəfə təqdim edilən bu qədim yemək böyük maraqla qarşılanır və xüsusi zövqlə yeyilir.

Telegramda izləyin