Ən çox atılan qida məhsulları açıqlandı

Beynəlxalq alimlər qrupu tərəfindən aparılan araşdırmaya görə, təbii qida məhsulları daha tez-tez zibilliyə atılır. Lakin bu, həmişə onların xarab olması ilə bağlı deyil, istehlakçıların yanlış qavrayışları ilə əlaqədardır.

Oxu.Az xəbər verir ki, araşdırma "Journal of Marketing" jurnalında dərc edilib.

Bildirilib ki, insanlar təbii və faydalı qidaların daha tez xarab olduğuna inanır və bu, alışdan utilizasiyaya qədər qərarvermə prosesinə təsir göstərir.

Tədqiqatçılar bir sıra eksperimentlər apararaq müəyyən ediblər ki, təbii hesab edilən məhsulların son istifadə tarixinə yaxınlaşması alıcılarda daha çox şübhə doğurur. Nəticədə, belə məhsullar daha böyük endirim tələb edir, daha az alınır və hətta faktiki son istifadə tarixindən əvvəl daha tez atılır. İstehlakçılar sağlam məhsullardan daha tez imtina edirlər.

Alimlər qeyd edirlər ki, bu cür qavrayış təkcə qida tullantılarının artmasına səbəb olmur, həm də sağlam qidalanmanın təşviqinə maneə yaradır.

Telegramda izləyin