Boşanma ərəfəsində olan qadın silahla başından vurularaq qətlə yetirildi

Çanaqqalada bir qadın boşanma ərəfəsində olduğu həyat yoldaşı tərəfindən başından silahla vurularaq qətlə yetirilib. Hadisə İsmetpaşa qəsəbəsi, İzmir küçəsində baş verib.

Sonxeber.az türk mediasına istinadən xəbər verir ki, Uğur Z., 34 GGZ 686 dövlət nömrə nişanlı avtomobili ilə 17 EE 166 nömrəli motosikleti idarə edən həyat yoldaşı Zeynəb Z.-nin qarşısını kəsib.

İkisi arasında baş verən mübahisədən sonra Uğur Z. yanında gətirdiyi silahla boşanma ərəfəsində olduğu həyat yoldaşı Zeynəb Z.-nin başına atəş açıb. Qadın qanlar içində yerə yıxılıb, Uğur Z. isə hadisə yerindən avtomobillə qaçıb.

Silah səslərini eşidən vətəndaşlar dərhal polis və təcili tibbi yardımı məlumatlandırıblar. Hadisə yerinə gələn təcili yardım briqadaları Zeynəb Z.-nin həyatını itirdiyini müəyyən edib. Polis, Uğur Z.-ni hadisənin baş verdiyi əraziyə yaxın bir yerdə saxlayaraq nəzarətə alıb.

Qadının nəşi prokurorluq və hadisə yeri araşdırma qruplarının apardığı ilkin baxışdan sonra məhkəmə-tibbi ekspertiza üçün Mehmet Akif Ersoy Çanaqqala Dövlət Xəstəxanasının morquna aparılıb.

Cinayətdə şübhəli bilinən şəxs ifadəsi alınmaq üçün polis idarəsinə aparılıb.

Hadisə ilə bağlı araşdırma aparılır.

Telegramda izləyin