Döyüşün ortasında qalan qız döyülərək huşunu itirdi - VİDEO

Türkiyənin İstanbul şəhərinin Esenyurt rayonunda inanılmaz görüntülər qeydə alınıb.

Sonxeber.az xəbər verir ki, bir marketin qarşısında iki qrup arasında naməlum səbəbdən dava düşüb.

Tərəflər bir-birilərinə dəyənək və yumruqlarla hücum ediblər. Daha sonra digər şəxslərin də davaya qarışması ilə küçə döyüş meydanına çevrilib.

Marketdə çalışan gənc bir qız davanı ayırmağa çalışıb. Araya girən qız tərəflərdən birinin ard-arda endirdiyi dəyənək zərbələrinə məruz qalıb və huşunu itirərək yerə yıxılıb.

Gənc qızın yerə yıxılmasına baxmayaraq tərəflər davanı davam etdirib. Ətrafdan keçən insanlar huşsuz vəziyyətdə yerdə yatan qıza kömək etməyə çalışıblar.

Hadisə anı ərazidəki bir vətəndaşın mobil telefon kamerasına əks olunub.

Telegramda izləyin