"Südü 15 qəpiyə satmaqdansa yerə tökürəm" - Fermerlər şikayətçidir-Video
Fermerlər istehsal etdikləri südün onlardan aşağı qiymətə alınmasından narazıdırlar.
"Qafqazinfo"nun xəbərinə görə, şikayətçilərdən biri də Füzuli rayonundan olan təsərrüfat sahibi Emin Həsənlidir.
Vətəndaşın sözlərinə görə, 3 litr südə cəmi 45 qəpik ödənilir, bu isə 1 litr üçün cəmi 15 qəpik deməkdir. Fermer qeyd edib ki, bu qiymət heyvandarlıq təsərrüfatlarının xərclərini qarşılamağa imkan vermir: "Heyvanların yemlənməsi, saxlanılması, baytarlıq xidmətləri və digər xərclərin artması fonunda südün alış qiymətinin aşağı olması təsərrüfat sahiblərini çətin vəziyyətə salır. Südün bu qiymətə satılması fermer üçün sərfəli deyil. Nəticədə bəzi təsərrüfat sahibləri məhsulu satmaq əvəzinə, etiraz olaraq sağdıqları südü yerə tökürlər".
Fermer bildirir ki, südün alış qiyməti istehsala çəkilən xərclərlə uyğunlaşdırılmalıdır: "Mövcud vəziyyət davam edərsə, süd istehsalı ilə məşğul olan fermerlərin fəaliyyətini davam etdirməsi çətinləşə bilər. Bu isə gələcəkdə həm heyvandarlıq təsərrüfatlarının azalmasına, həm də yerli süd istehsalının zəifləməsinə səbəb ola bilər".
Fermerlər südün alış qiymətinin artırılmasını və problemin həlli üçün aidiyyəti qurumlar tərəfindən müvafiq addımların atılmasını gözləyirlər.
Məsələ ilə bağlı iqtisadçı Natiq Cəfərlinin mövqeyini öyrəndik. "Qafqazinfo"ya açıqlama verən ekspert bildirib ki, bu məsələdə nəzarət mexanizmi yoxdur: "Məntiqlə bazar iqtisadiyyatı bunu tənzimləməlidir. Südə tələbatın olması süd alışını həyata keçirməyə yardımçı olmalı, qiymətləri tənzimləməlidir. Görünən odur ki, bazar mexanizmləri işləmir. Çünki bizdə mal-qaranın sayı kəskin azalır. Məntiqlə südün qiyməti qalxmalıdır, amma qalxmır. Deməli, burada nəzarət mexanizmlərindən çox, dövlətin yardımına ehtiyac olmalıdır. Bir çox ölkələrdə də bu praktika var. Dövlət artıq qalan südü ya özü alır, ya da özünə lazım olan sahələr üçün süd alışı həyata keçirir. Məsələn, Türkiyədə dövlət məktəblər və ya ordu üçün süd alışını fermerlərlə müqavilə bağlayaraq həyata keçirir. Nəticə etibarilə onların gəlirləri də artır. Yəni müxtəlif mexanizmlər var. Amma indi görünən odur ki, "bu sahəni bazar iqtisadiyyatı həll edəcək" yanaşması effektiv deyil. Bu da fermerlərin bu işdən daha da soyumasına səbəb olur".
Kənd Təsərrüfatı Nazirliyindən isə sorğumuza cavab olaraq bildirilib ki, qurum qiymət məsələsinə baxmır. Amma nazirlikdən o da əlavə edilib ki, yaxın zamanda həm ətlik, həm damazlıq istiqamətində, eyni zamanda süd məhsulu üzrə subsidiyanın verilməsi planlaşdırılır.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri