Makronla Fransanın daxili işlər naziri arasında konflikt yaranıb

Fransa prezidenti Emmanuel Makronla ölkənin daxili işlər naziri Brüno Rötayo arasında gərginlik artır.

Oxu.Az xəbər verir ki, bu barədə Fransanın "Le Parisien" nəşri məlumat yayıb.

Mənbə iddia edir ki, hökumət üzvlərinin son iclasında E.Makron Fransanın cənubunda cinayətkarlığın artması ilə bağlı B.Rötayoya sərt suallar ünvanlayıb.

Jurnalistlər prezidentin reaksiyasının daxili işlər nazirinin "Valeurs Actuelles" jurnalında E.Makronun siyasətini tənqid edən məqaləsi ilə bağlı olduğunu iddia edirlər. Bir neçə gün əvvəl dərc edilən yazıda Rötayo qeyd edib ki, "Makronizm Makronla bitəcək". O, həmçinin Fransa prezidentini siyasi ikiüzlülükdə ittiham edib.

"Le Parisien" yazır ki, sağ mərkəzçi Respublikaçılar Partiyasına rəhbərlik edən B.Rötayo E.Makronun siyasi müttəfiqi hesab edilmir və son vaxtlar onun siyasətini kəskin tənqid edir.

Telegramda izləyin