Macarıstan Ukraynanı Avropanın enerji təhlükəsizliyini pozmaqda ittiham etdi

Ukrayna öz ərazisindən qaz tranzitini məhdudlaşdırmaqla bir sıra Avropa ölkələrinin enerji təhlükəsizliyini təhdid altına salıb.

Oxu.Az-ın xəbərinə görə, bu barədə TASS-a Macarıstanın xarici işlər naziri Peter Siyarto bildirib.

"Ukrayna öz ərazisindən tranzitə mane olmaq və bununla da bütün Mərkəzi Avropa regionunun enerji təhlükəsizliyini təhlükə altına salmaq üçün "kifayət qədər mehriban" idi - dırnaq arasında, təbii ki", - deyə o, vurğulayıb.

Rusiya baş nazirinin müavini Aleksandr Novak "Rossiya 24" telekanalında bildirib ki, rus qazının Ukrayna ərazisindən tranzitinin dayandırılması ilk növbədə Moskvaya deyil, avropalı alıcılara mənfi təsir göstərir.

Onun sözlərinə görə, tədarük həcmləri baxımından, Rusiya balansı ötənilki səviyyədə faktiki olaraq dəyişməz saxlayıb. O qeyd edib ki, Avropada qazın baha alınması nəticəsində qiymətlər qalxır və buna uyğun olaraq elektrik enerjisi də bahalaşır.

Telegramda izləyin