Nəmli dəriyə sahib olmağın ən asan yolu - 1 stəkan...

Hər kəs bilir ki, su içmək orqanizmin nəmlənməsi üçün həyati vacibdir. Lakin məlum olur ki, su içmək üçün "doğru" və "yanlış" zamanlar da mövcuddur.

Nə zaman su içmək daha faydalıdır?

Lent.az xarici mediaya istinadla bildirir ki, həkim Xulio Masetin fikrincə, su içmək üçün ən vacib məqamlardan biri yuxudan əvvəlki zamandır.

Yatmazdan əvvəl bir stəkan su içmək nə verir?

Həkimin sözlərinə görə, orqanizmin düzgün işləməsi üçün nəmli qalmaq əsas şərtdir. Yuxudan əvvəl su içmək baş ağrısı və yorğunluq kimi susuzluqdan qaynaqlanan problemlərin qarşısını alır.

Bundan əlavə, o, vacib bir fizioloji prosesi də qeyd edir: "Gecə saatlarında vazaopressin hormonu aktivləşir və bu hormon sidik ifrazını azaldaraq bədənimizin istirahət zamanı su balansını qorumasına kömək edir".

Həkim həmçinin bildirir ki, ən yaxşısı gün ərzində kifayət qədər su içməkdir. Beləliklə, yatmazdan əvvəl qəbul edilən su miqdarı nə çox, nə də çox gec olmamış olar.

Kran suyunu içmək olarmı?

Mütəxəssislər kran suyunun, xüsusən də vanna otağındakı krandan gələn suyun içilməsi əleyhinədirlər.

Buna səbəb bir çox amillərin suyun keyfiyyətinə təsir etməsidir. Məsələn, evdə və ya oteldəki mətbəx kranı ilə vanna otağındakı kran arasında fərqlər var.

Ekspertlər bildirirlər ki, baxmayaraq ki, evlərə verilən su ümumiyyətlə içməli sudur, boruların növü və istifadədəki fərqlər səbəbilə vanna otağındakı suyun təhlükəsizliyinə tam zəmanət vermək olmur. Bu səbəbdən, imkan varsa mətbəx kranından su içmək və ya qablaşdırılmış sudan istifadə etmək daha doğrudur.

Telegramda izləyin