Bir gecədə milyonçu oldu – 4.1 milyon manatlıq uduş!

Türkiyənin Susurluk rayonunda yaşayan bir vətəndaş oynadığı şans oyunu ilə bir gecədə milyonçu olub.

Sonxeber.az türk mediasına istinadən xəbər verir ki, adı açıqlanmayan bəxtəvər şəxs tam 13 milyon 457 min 177 türk lirəsi (təxminən 4.1 milyon Azərbaycan manatı) məbləğində böyük uduşa sahib çıxıb.

Böyük uduşun düşdüyü mərc məntəqəsinin sahibi Ali Osman Yücə bildirib:
"Təxminən 7 ildir bu sektordayam. Müxtəlif vaxtlarda böyük uduşlar düşən biletlər vermişik. Belə hallarda biz də çox sevinirik".

Ərazi sakinlərindən Meriç Aker isə belə deyib:
"Ara-sıra şans oyunu oynayıram. Şanslı şəxsi tanımırıq, amma gözəl bir uduşdur. Xeyirli və uğurlu olsun. Gözəl bir məbləğdir. Düşünürəm ki, bu pulla arzularına çata bilər. Mənə çıxsaydı, yaxşı bir ev və maşın almaq istəyərdim".

Telegramda izləyin