"Səbail" "Bayıl Arena"dan çıxarılır? - Klubdan açıqlama

"Səbail" klubunun birinci liqaya düşməsindən sonra klub haqqında söz-söhbətlər də bitmək bilmir. Gah komandanın sponsorlarının ondan üz döndərdiyi, gah da büdcənin azaldıldığı iddia olunur. Son günlər isə komandanın daimi məskunlaşdığı "Bayıl Arena"dan çıxarıldığı barədə xəbərlər dolaşmağa başlayıb.

İddiaya görə stadion başqa kluba verildiyindən "Səbail"in burada daha məşq etməyəcəyi bildirilir.

Amma kklubun mətbuat katibi Rəşad Məmmədov Bizim.Media-ya açıqlamasında deyilənlərin yalan olduğunu və komandanın həmişəki kimi "Bayıl Arena"dan yararlandığını deyib:

"Bizim Bayıl stadionundan çıxarılmağımızla bağlı deyilənlərin heç bir əsası yoxdur. Hal-hazırda burdayıq, özümüz ofisdə qərarlaşmışıq. Futbolçularımız da burada məşq keçirlər. Yəni arenanın xidmətindən yararlanırıq. Komanda yeni mövsümə hazırlıqlarını da məhz "Bayıl Arena"da keçirəcək".

Telegramda izləyin